發一崇德聖訓

日期：西元二○一三(2013)年十一月廿三日歲次癸巳十月廿一日
主題：
道場：雲林道場
班別：社會界國語二天率性進修班
佛堂：埔鹽 忠信佛院
臨壇仙佛：南屏濟公

西元二○一三年十一月廿三日歲次癸巳十月廿一日　　忠信佛院

                                                                         恭求仙佛慈悲指示訓

　　　老人囝仔性　大小漢攏歡迎

　　　見人笑瞇瞇　彌勒佛在心中

　　　救人上天堂　活菩薩渡眾生

　　　老人囝仔性　愈修是愈光明

　　　來者是

　　南屏濟公　奉

母命　來到佛堂　入門參了

皇母駕　　問我徒兒快樂否  安心否

　　　　　靜心來聽為師訓  記心中　哈哈

徒兒啊　中午甘有吃飽

桌上也無魚甲肉　對嘸

青菜水果是上品　慈悲為懷無殺生

素魚也是真有味　只要有心攏歡喜

呷入嘴內身健康　性命維護是自然

一人一命攏寶貴　毋通傷人害家庭

人人攏是父母生　愛子之心現真情

道在自身來體悟　二工學道智慧生

學著囝仔天真性　活潑無私現玲瓏

聽課就愛認真聽　才有感受在心中

佛椅坐著真歡喜　祖先沾光展笑容

徒兒誠心天地助　心願傳達助成功

　　　　　　　　　　　　　好嘸

活到這陣看過無數的人

有的人會凍向伊學習

有的人看伊行為　要知影自我反省

看過這多人　甘有學到啥咪

人在世上按怎做才是圓滿

活到老學到老　囝仔心永遠袜變

現出本來善良的心　做出本來慈悲的事

在家己的責任好好完成　每一項代誌攏愛負責任

自頭到尾攏愛用心　才是一位認真的人

聽過無數的代誌　代誌有分好甲壞

好的代誌愛宣傳　壞的代誌想辦法改正為善的代誌

這個社會人事太亂　人心毋通跟著走

人心啊要恢復為仁心　仁義仁德之心

希望徒兒認真聽　這個世界有種種聲音

有啥咪聲音　入了徒的耳　徒兒要好好選擇

為著家己修行路　為著家庭的和樂

希望我的徒兒啊　毋通看輕家己

一個人一份力量　十個人力量是無限的

徒兒啊　詳細聽　詳細想　這世人要成為啥咪款人

徒兒啊　有的人使人感動　人人效法

這位就是人間活菩薩　彌勒祖師　觀音菩薩

甘有了解　仙佛修行的過程

來到佛堂學仙佛　要真正來實行　好不好

短短幾句話攏真淺白　希望徒兒聽師的話　好好立志向

來佛堂學到道理　在自身來顯出光明

人生路途毋知短甲長　活在每一工攏愛歡喜感恩

祝福我的小徒兒　學道初發心時常來保持　好不好

徒兒保重　一人一款命　因緣天註定

修道改命運　仙佛人修成

師愛徒　希望徒兒愛珍惜

大家再會啦　哈哈止