發一崇德聖訓

日期: 國曆中華民國93年(2004)10月23日 農曆中華民國九十三年歲次甲申九月十一日
主題:
道場: 台南道場
班別: 社會界台語二天率性進修班
佛堂: 濟德宮
臨壇仙佛: 濟公活佛　

中華民國九十三年十月廿四日歲次甲申九月十一日　發一崇德台南道場濟德宮
恭求仙佛慈悲指示訓

　　　世間人看錢重　為錢打拚走西東
　　　一生親像採花蜂　青春歲月送
　　　災劫來　掃甲無半項　
紅塵一切攏是空 望徒體悟速回航　
　　　　　　　　　　　　調寄：四季紅

　　　來者是
　　濟公活佛　　奉了
母旨　來到濟德宮　　先參
母駕　久別重逢會吾徒
　　甘是平安攏快樂
哈哈

　　　濟公領命來普渡　　　天時緊急不容誤
　　　法會二工特別多　　　走甲流汗像落雨
　　　為了三曹在奔波　　　搬山過嶺眾生渡
　　　寶島台南是古都　　　勤儉打拚老字號
　　　文化傳承尚介好　　　文質彬彬有禮數
　　　士農工商認真做　　　那來修道擱卡好
　　　道真理真天命真　　　傳你三寶脫閻羅
　　　人生過程有起落　　　英雄小卒骨打鼓
　　　何求田地甲財寶　　　斷氣時拵攏總無
　　　求人時拵尚艱苦　　　才知人情像紙薄
　　　凡夫俗子眼光無　　　遇到生死才要做
　　　勸恁早早修辦道　　　行功立德緊來做
　　　樂善好施才有褔　　　酒色財氣分兩路
　　　飄丿濟公是吃素　　　無愛燒酒甲魚酥
　　　水果青菜白菜魯　　　每工運動身體好
　　　徒那對師的腳步　　　一步一印走同路
　　　渡化眾生咱來做　　　風吹日曬沒怨苦
　　　那是認真來辦道　　 濟公歡喜在心曹
　　　那是修道修一半　 　濟公傷心目屎落
　　　勸阮徒兒緊修道　 　日後一定有仙果
哈哈

　　　看徒歡喜來到濟德宮　　法會二工甘是有體悟
　　　徒啊徒啊著要認真聽　　好好來修
家庭一切攏先放下　　好嗎　　對著前賢辦事人員
　　　咱著要歡喜做　　因來甲咱服務二工的法會　　
有茶有飯吃乎飽　　嘜醜哦
　　　咱著要日後也來服務眾生　　這一切才是一家人
　 　你受苦你煩惱　　為師攏在徒身軀邊
　 　好好修　　好好來學習
　　 望徒歸心認真行　　時間有限　
　　　師無嘜擱多講　　暫時坐一邊
　　　看徒上課　　加你智慧
哈哈 止