發一崇德聖訓
Body:
日期：中華民國一○二(2013)年六月十五日歲次癸巳五月初八日
主題：
道場：雲林道場
班別：社會界台語二天率性進修班
佛堂：斗六崇修堂
臨壇仙佛：濟公活佛
中華民國一○二年六月十五日歲次癸巳五月初八日 斗六崇修堂
恭求仙佛慈悲指示訓
人生這本冊 學問真大識多少
三百六十行 出內行的狀元家
用心來付出 上天尚公平
每日的開始 好歹躲相找
麥怨嘆運命 心念的問題
親身來體會 講頭知影尾
來者是
濟公活佛 奉
母命 來到崇修堂 進門先參
皇母駕 問問大家乖徒兒
有歡喜嘸 有快樂嘸
平心靜氣 聽師訓文
哈哈
好徒兒難得機會參加班 一日清閒一日仙
來這兩工坐仙椅 學做佛仙 好嘸好
有量就有福 入了佛門 是真有福氣 徒兒惜福
學習天理 人生大道理 由心來做起
明白家己的志向 為凡事也是為聖事
這兩項 攏愛靠家己去修行
人生路 真多條 確定這條修道路 人人歡喜得至寶
希望徒兒愛知影 專心來聽師的話
徒兒呀 人若活到百歲過一半 甘有簡單
在場的百歲過一半有幾位 請舉手 真好
人生的過程 有甘也有苦 其中的滋味 家己尚知影
愛珍惜 每一個腳步 愛看重 每一個決定
人要先自重 而后人尊重 只要家己認真 甭驚別人看輕 對嘸
立志向要堅持 打拼努力嘸放棄 好好來盡家己本份
希望徒兒 聽金言 記玉語 知影就愛去實行 好不好
人愛有老本 啥咪是老本 人的根本愛顧好
吃果子愛拜樹頭 攏知影 對嘸 這個根本愛穩固
無論什麼困難考驗攏會過 心定目睭金 養精神補元氣
心若定 自然前路就明顯
心若明 走的路自然就有佛光普照
心若平 遇著困難就有智慧來處理
人有肉體可以做真多的代誌 肉體要保養
青菜水果是上品 清心寡慾尚自在 好嘸
第二項 心中要有老話 古早人俗話講 好也一句 歹也一句
講話愛小心 是是非非厚操煩
古早人的智慧話要時常來提起
講出的話家己負責 對嘸 尚古早話
上台講課講道理是勸人 首先靠家己 對嘸
言語可以幫助人 也會害人
希望徒兒嘴笑目笑 使人歡喜 好嘸
第三項 要有老朋友 老朋友是良師也是知己
會苦勸用忠言來互相鼓勵 老朋友是真心來對待
是苦是樂會互相 絕無相害
人若是培養這三項 這人生看來變化萬千 按怎穩定一切由心
為師輕鬆的話語 等待徒兒會覺醒
攏是真正疼徒兒 方法百種勸徒兒
徒兒啊 認真來學 七分靠家己 三分靠上天
為師幫助乖徒兒 一切圓滿會成功
徒兒啊 遵守佛規 祖先光榮 聽道理聽入心 好嘸
互相感謝 互相成全 永遠抱著初發的心 堅持到底 好嘸
徒兒啊 真修啊
徒兒啊 實在走啊
徒兒啊 保重啊
師在徒身邊 祝福我徒兒 徒兒啊 再會啦
哈哈止
發表新回應